記得忘記

尋日飲左酒又夜返，訓到唔想起身…都唔想起身去思考… 見到導演有搵過我…見到MTR有搵過我…但其實阿偉叫醒左我。去影日落同買相機，好爽快就起身出去。

睇日落，睇相機，係大角咀，爬左出石膊度坐，同阿偉傾偈，每個人都有Ｄ野想做，每個人都有Ｄ目標，而我已經越黎越迷惘。去旅行到底為乜，去潛水又為乜。已經唔知做Ｄ咩為Ｄ咩… 導演話，唔知就去搵，有Ｄ 人知條路點行就跟住條路行，有Ｄ人唔知就一路搵可能一路碰璧。

返到屋企…發現阿縈unfd左我… 未試過失去一個朋友感覺好似失戀咁…或者未試過有一個朋友係咁親密過。唔開心鬧情緒既時候，佢會係我身邊，同我出去食野玩，佢要去旅行我地一齊去，一齊行，十日見八日。去花園街都要買手信俾我。當喱一Ｄ野突然間冇左…個感覺有Ｄ似失戀。所有感情都係咁，唔可以單向，你想繼續唔等於你可以繼續。 朋友都係 …佢決定左咁，我都冇咩可以做就係咁…望住一齊去旅行Ｄ相 有Ｄ說不出既失落。如是者… 唯有 …就當失戀吧。

愛情既付出好多，但已經學識左唔認真同唔投入，唔亂咁附出，只求快樂，但朋友，我竟然唔知應該點。 竟然有Ｄ怕左去了解同認識一個朋友。淡淡之交就算了。同我做朋友會受傷害既，咁唔需要認真，只要開心玩，食餐飯就算。唔交心應該最好。

講唔出既野…都唔知應該點。

但，係時候一個人去旅行，製造一個人既回憶，至少當身邊既人離你而去，回憶都唔會變質。

旅行應該係自己去，唔應該再有其他人係度… 唔想再俾其他人佔有我回憶既任何一丁點。 到失去果下會好痛。