(下圖係…正宗日本拉麵 XD 純緒為左好吸引 )
先要講下點解講…撈叉燒拉麵。係日本旅行香港人一定會走去食拉麵… 當然首選係一蘭(利申我冇食過) 。但其實每次旅行果D隨心同隨意…係真係是鬼但,第一次係秋天去大阪,是是但但入左去間拉麵,就食到上左癮… 又係唔小心,可能睇唔明日文所以叫左個"撈拉" (懶D…即係撈既拉麵)明明天氣凍…想食碗熱野 。 跟住第二次去係差不多夏季… 行到冇命咁唔想食熱湯既野,就叫左碗冇湯既… 喱碗…一食上癮 ( 有機會打遊記寫返…喱間係我首推既拉麵)
係日本食撈拉…原來都幾多細節佢有說明書教你點樣落配料。跟住佢落完D配料個味係好食左幾十倍 !!!!! 但其實撈拉本來個味都係好香。
一食就愛上… 跟住第二日都再去食左轉XDDD 返到香港只有一般既湯拉麵… 搵得好辛苦終於搵到一間… "烏骨雞拉麵・龍" 十萬個開心咁仆到去。
但services都幾快,冷氣呢…就ok啦… 一黎就一杯冰凍烏龍茶~~即刻消暑…話說果個位都幾入。
香港人一般都鐘意…豬骨湯拉麵…平時冇得揀,我比較鐘意鹽味或者係味曾
上黎喇~~~撈拉~~~~我唔講日本果個有幾好食,我講香港喱個啦…日本果個…有機會再講。
麵係比平時既彈牙( 但我見fd既應該係一樣既麵條,只係冇俾湯浸住) 上台時都係一陣既油香飄出黎~~好好好好好期待!!!!有兩塊大叉燒,一塊紫菜( 淋左既…) 跟住有隻半熟蛋配料有炸香既乾蔥。
台上有鮮蒜頭、同紅薑仲有芝麻等等調味料。
我講個麵喇…
第一口係好食既,但再食多兩啖會覺得好油膩…少左D野去提味同中和個油膩感… 但個麵彈牙爽口,幾好食的說( 我好怕D淋麵) 。叉燒係薄切,唯一係叉燒值得一讚。入口即化既感覺,我朋友都好鐘意。
最後… 我隻半熟卵係最後先食…因為每次都好期侍(係日本食果隻…每次食完都有大滿足感覺) 。結果 ...........
埋單都算係普通價錢,但…唔係一間值得一去再去既拉麵…只係油撈真係冇幾多地方有得食就真既…