記得忘記

去睇戲去睇戲~~一朝早換兩套衫~換到遲到XDDDD痴線，有冇咁小學雞啊返工，跟本就冇心機對住返工既野，淨係好緊張放工去睇戲。小學雞到核爆~~~~

臨放工，導演話佢早左收工，可以返屋企沖涼換衫!!!!!!!!!!!嗚呀!!!!!!!!!!!!!!!點解會咁架，做咩你要換衫啊 !!!!!!!!!痴線架，又話睇戲咋嘛，你做咩換衫啊 !!!!又話睇戲個過程冇緊要!!!!

到TST打俾佢，問佢The One係咪係美麗華果邊…佢恥笑我…。見到我又全身掃描我… 妖，你自己又何嘗唔係換返條長褲。嗚呀~~~~不得了… 好鐘意佢添…跟住要扮到好冇所謂…hahahaha我係一隻天真小學雞繼續扮大鄉里都係一件好事。 佢買野食買野飲… 嗚~點解一支野兩份飲咁sweeeet …定係其實已經點樣液體交換都有所謂 …

套戲其實係幾緊張 …緊張到佢講粗口，笑到收唔到聲。緊張到叫出聲XDDD 痴線，跟住捉實左我。" 喱個導演好勁! 雖然你唔會知佢點勁，但佢真係好撚勁 "

媽啊…我一鐘意一個人…就好嚴重，嚴重地仰慕喱個人…覺得佢好勁… 真係痴撚線… 又一個我覺得好勁既人… 喱樣野真係好大鑊。

跟住去左食burger 飲啤酒吹水。佢…其實有追我fb既post … 嗚呀~ 到底你想點架，繼續係喱個status ，我會好中毒，雖然已經中左毒，繼續咁樣去都幾好。

然後Eric打黎話佢係TST附近，同導演散左，我就落左去搵佢繼續飲野。 又提起Ｄ傷心事... 扭曲到今時今日，未正常得返…已經唔知點樣正常得返。搞到Eric要聽我訴苦。 其實好無謂…講一次痛一次，講一次傷心一次。諗起點樣由傷痛再去到成魔，再去到依家不知所謂。已經唔知點樣返轉頭…好似冇一條路可以返到轉頭，但只可以繼續去。

導演話… "你喱Ｄ野應該係十八歲果時諗，唔係依家囉"  ，當你搵到一個人睇法同見解一樣，其實感覺好好，但就係無力行去果一步。

MTR… 持續有搵我，果Ｄ我睇到透曬覺得好撚謂謂既對答，要叫到我出黎，太難了吧。我對喱Ｄ人完全冇興趣。