記得忘記

訓醒飲茶係例行公事…好依賴冰高… 淨係想有冰高痴住一齊。eric無拿拿打黎… 跟住就返屋企換件褸拎個袋就出左去

去到TST佢先話不如去離島，就係咁…就入左南丫島，因為我未去過。

冇咩好唔好，食野行下，唔洗用腦咁走下玩下都係一件好事。

跟住呢…周圍走，周圍食，羊肉Pizza好好味~~ 跟住食burger~ 跟住話hea陣飲支啤酒望下海就走

結果去左間Organic store度買，就係咁識左兩個鬼佬…

um…又係我既問題??好快好似好close咁，我都唔知啊，又幾好玩又幾好傾，佢地又買多支紅酒，繼續開。然後又走左去酒吧繼續飲… 無拿拿話俾個offer我去佢度返工。75... 係依家喱個唔上唔落既時間，其實好吸引…只係，唔知點解我開始對自己冇咩信心… 當你咩都失敗既時候，感覺唔到應該去做Ｄ咩或者自己值喱個價錢… 對自己既否定好重...  唔知可以點樣去有返Ｄ信心俾自己…當你覺得自己咩都唔係，唔知自己做緊乜…75喱個價錢好好… 就算要我調去上海都好好…我都唔想係香港 ...

傾傾下上埋佢地屋企lol ...

然後因為溝左酒返上船就有Ｄ醉 … 係咁訓 …

每一樣野，每一個遇上都係因為你said yes而唔係say no。因為你決定行，所以會有所改變。係咪改變到又係一件事，係咪真心想改變又係一件事。至少…至少依家仲一步步咁行緊改緊…係咪改到…又係一件事…係咪可以好好又係一件事… 至少今日天好藍，聽下海都好好。