記得忘記

本來話星期三食飯，Ric有工返所以就… 佢見完工過黎搵我食lunch 一早導演係台東…望住個太平洋竟然txt我...  閒聊係度share佢Ｄ相俾我， 仲話叫左我… 跟住係咁撩我同佢一齊去旅行。一個Dream man…所有野都好好但Dream 只係一個Dream。依家喱個關係，我有我喜歡既，我有我心動既，咁樣其實都幾好。仲要少左Ｄ妒忌同麻煩。

有時人同人之間就係 有Ｄ奇怪既Chemical ， 即係同某Ｄ人先會做既野，係同特定既人物先會發生既事。

係我公司樓下 …
講住電話搵到我，行過黎攬住我「係度啊~衰妹」攬住我錫左我一啖。

基於Ric話過黎食Lunch... 諗左好耐都諗唔到食咩… 痴痴地線之下... 我話我要同佢去野餐。係觀塘野餐!!!!!有Ｄ事只會同某Ｄ人發生，例如同Ric一個Lunch走左去野餐。我其實都係想搵個靜靜地可以兩個好舒服既地方，但KT食飯既時間，你唔好玩啦，插針都插唔落。所以... 海濱係一個好既選擇。 

明知會見佢 ，我都執返似個人，今日既衣著絕對係遮曬所有既瘀傷得黎，又可以好索，但要好小心唔好穿崩。透既既長莎裙加熱褲，再透視既白色鬆身線衫。去買左個M記，跟住就行落去海濱，佢繼續話俾我拐帶... 乜拐帶係咁架咩 ?!

驚落雨…但咁既天氣望住又好爽皮。 佢拎住把遮... 我問佢做乜咁有預備會帶遮。

# 係囉，頭先都俾人問我做乜拎咁大把遮
@  咁點解啊?
# 我話要照顧女朋友嘛
@ 呀 ~~~
# 咁Ｄ女要丫嘛
@ "Ｄ" 女要 ...  

脫口而出既說話，我冷笑左一下，我望一望佢手既手繩。朋友，只係朋友吧了。到底係自己過份自我保護，防護網太強定係，本來就唔打算有信心。係對任何野都唔想有信心。 減去果一堆心煩既野，成件事就會幾時都開心。就好似當日同你一齊，我一直都係咁，自動地減去曬所有野，所有背後我知既story。我係全部都知…但我可以做到豪無感情隻字不提。然後同我一齊好開心，因為我唔會發爛，因為我唔會妒忌，唔會去嬲。

因為條手繩，我個人好冷靜，有Ｄ若即若離，我自己都唔想太貼近。

「你冇咩優點架喇，除左好錫」

就開始錫佢。 「你仲有五分鐘，你可以揀，我地坐五分鐘，或者錫足五分鐘」

我有既籌碼係，只有開心既情緒，只有你最喜歡最心動既野。人格既扭曲最大既得著可能係咁。

跟住佢同我行返公司，然後我繼續做野，佢去返下場，話左做佢鬧鐘。

其實做每一樣野， 我都只係想自己繼續有鐘意佢既感覺，我唔想返轉頭都好怕返轉頭。我太了解每一個遊既戲玩法，如何誘惑如何得到，如果控制情慾。當自己了解一個男人既時候，喱Ｄ係一種講唔清楚既控制慾。

夜晚Derek俾海豚相我睇… 我唔明... 一個靠like黎食飯既人,...  未貼相上Fb就send俾我... 同我傾左陣。成件事好怪… 我諗唔明。

但在我黎講…再冇野需要去搞清楚。