記得忘記

17/2~24/2

好多日冇打日記…記得幾多打幾多…唔一編編分喇…分左都冇咁好心機去睇曬… 續編編開都確實係麻煩…除非向來都好慣一次過咁樣開咁多次黎睇…或者…確實冇人咁樣睇…鬼咩…返工都唔知點解唔想打日記…

17/2 星期六 ( 年三十 )
訓到五點~人都癲…都唔記得之前果晚幾點訓…有冇十二個鐘呢…算吧啦…本來唸住出去行街買野。結果都係返屋企。阿麻唔舒服嘛。然後返到去呆…呆…冇曬意慾出去。食完飯佢地就麻雀…麥斯佢地都走曬去第二度。咁…結果…我…咪一個人死左出街囉…心情很差勁唔知點解。差不多十二點返屋企…一個人冇咩癮行落去…一個電話咪召左我返去…只有你先可以有咁既能力…

18/2 星期日 ( 年初一 )
尋日帶左冰高行花市，冇咩做…是日新年要好似新Ｄ咁，其實都係返屋企訓…所以好新年地新既短褲、恤衫、褲帶、牛仔西褸加埋對boot，得左!!!!本來食盤菜…結果黎遲左就係咁，逃過一劫。去左新花飲茶，估唔到冇咩人。飲完茶返屋企hea…悶到錯…實在年初一真係冇野做。夜晚食返果個盤菜…堅係…冷飯菜汁既大集會…難食到想死。夜晚返屋企食年糕…好好味既年糕~~我最愛的~~然後就襯衫囉。

19/2 星期一 ( 年初二 )
帶埋冰妹食開年飯…著到好lolita…即係咁唔係我想的…只係咁岩似之嘛…然後食完飯約左sabin行街食tea。又係落左葵芳…冇法啦，怕去得遠去到之後冇野行…咁耐冇見第一句係…" 咦~你喱排玩lolita呀??"唔係啦…似唧…然後行街吹水、食個tea再返黃大仙…sabin講左Ｄcase俾我聽…單單都大爆笑…到底我既結局起定係悲?上翠竹，又盤菜…有冇唸過我有幾無奈…結果…呆左唔知幾耐…正係度玩緊白痴uno時那添打黎叫我出去…算啦…初二…然後呢…鋤dee…賭除衫…輸到bar都除埋時…阿添又打黎…果時阿媽拎住部電話…丫…以為佢係我男朋友…=口=唔好玩啦…老豆接返我地返去…咁又一日…應該眼訓的...

20/2 星期二 ( 年初三 )
初四就返工喇…今日係屋企悶…成屋都係人…悶到嘔…飲完茶冇野做,.. 不停的冇野做然後呆坐…唔online…所以走左去睇小丸子…睇睇下見到有filter玩，woo~開心左陣都係冇得玩…結果唔知點解係度叫pizza…然後就食pizza囉。再來就係係度做Business既資料搜集…唔好問點解…然後夜晚等埋老豆就去打邊爐。

21/2 星期三 (年初四 )
返工嚕~咁又返工…返三點唸住飲過茶先既…結果係…好多人…痴左新花都可以多人到咁…結果落左茶餐廳了事…返工…以為會悶死啦，點知都ok地keep住都有Ｄ野做下咁囉。頂佢個制丫~Ｄ大陸客真係煩到嘔…我都心理唔平衡!!!放工食開年飯~去左大久保…好夜先返屋企的說…好累…聽日都係要返工。

22/2 星期四 ( 年初五 )
返一點…成屋都冇咩想食又唔知著咩衫…真係煩到死左…身上既衣著由jacket變左做抓毛…哈又熱我唔死。唸住會返屯門，聽日去影相方便，所以著牛仔褲加牛仔褸襯lace絲絨吊帶…結果都係決定唔返去…因為sonia同man都還左錢…出左糧…加埋二叔俾既零用…個身有成二千八…真係驚…未計利士…然後臨收工去左買DoCoMo既白痴自拍機俾阿妹做生日禮物。然後冇咩做又放工…夜晚繼續幫嘉嘉搵資料。同阿強msn…其實我係咪真係咁難搵呢…er…算吧啦。咁又好鬼夜。

23/2 星期五 ( 年初六 )
是日起身就執好自己再執冰高~然後就老豆車入去沙田做訪問，辛苦曬我阿妹陪我睇住三隻野…如果唔係我真係會死…尋日又冇食飯喎…仲要咁樣勞動同埋暴曬…真係想死得很…影完相的士過去會合佢地…到有野食既時候，又食唔落…實在好暈的說…都食左Ｄ野囉。然後入去姑媽度…冰高洗白…之後我就睇電視…應該係喱一年睇電視最長既時間…抱住冰高訓著左一陣…然後冰高始終都係上左電咁…不停的玩玩玩玩…好似唔識停咁…自己活動一陣又係度同我再玩… 食飯…原來好耐冇食梅菜。食蛋糕前老豆幫阿妹開年!!woo~都話架啦~幾時生日係會快樂先!!即係咁我唔覺囉…所以尋日都係唔講生日快樂。放低左麻麻爺爺同阿妹…開車…車頭二人就怒炒…車後一人一狗聽左陣就訓著左…返到屋企同阿媽傾偈…到三點…做埋Ｄ野都四點幾…手痕的去睇漫畫… 冰高玩到冇曬力終於訓…

24/2 星期六 ( 年初七 )
起身…出去飲茶…一起身冰高就扮公仔…喱左係床尾…好鬼得意~車上訓…冰高一齊飲茶。訓夠既冰高又上足鍊…一放佢落地都不知幾開心~見佢咁我都開心的說~(或者只有咁先認真的會由心笑出黎)。然後三叔睇起我好耐冇清下部腦…跟住…淨係執個C Dirve... 都用左四五個鐘...我足足悶左四五個鐘…第一覺得冇碟好睇冇野好做係屋企悶到發荒…還好是日屋企冇姑媽佢地係度…唔係真係訓下都唔得。執完個Ｃ…三叔返黎…佢…加入老翻行列… 買左SuperCard…然後食完飯咪返屋企…悶囉…

新年到底有咩為呢…唉…都係咁上下…我淨係知…睇完曬櫻通信…結局係咩呢…終於寫完本日記，開始寫第二本數簿，好多日都冇寫啦…拎起支筆唔知點寫好…我記得幾多呢…咁多日…個人真係有Ｄ呆…聽日返工~係咪應該要訓呢…都係一個迷…