記得忘記

是日小學雞了一天~很滿足很快樂。

尋日Mini Meet bbq學識神奇燒多春魚~已經好開心~ (先唔好提…尋日餐晏食左我七舊水) 。尋日仲帶左冰冰高一齊去bbq 十分開心~咁今日…未訓夠，仲好猶豫咁就起左身出去玩!!!Yeah~是日行程豐富緊密~ 小學雞歡歡玩得十分愉快!為多謝兩個團體合辦既活動~決定又打下好耐冇打既blog先。

第一站! TST鐘樓~ 集合玩Warm Up既See You Around! 玩Ｄ咩呢…喱個…其實係扮360度既相。um…Warm up 既野大家都係hea住先( 要睇相，請到我fb － Mary Corn) 。Um，set定曬相機setting(多謝幾位大師係度教setting ) 。然後開始試拍子就一齊影~係TST文化中心外面玩藝術野都俾人趕~sosad。但都總算影左輪~每人都有一張~然後就小學雞咁移動去南山村~

第二站! 南山村~話說其實之前過黎喱邊都想拎部機再影下。但結果都未黎過，依家就唔知點解XDDD又係拎住部機黎左喱度，但又唔係我想像中咁樣影。Anyway … 太陽伯伯出黎喇…曬到死咁濟…後悔今日著得咁密實。熱到癲癲地… 頭先warm up完~我同縈就豁左出去玩lu~XDDD道具係誇張的紅色遮~XDD玩得好開心，只係好驚… 係度會仆損。都係…唔好跌住。快樂地又影左輪相~ 我地就落左去品香樓食Lunch~超正既凍古力~~~( >w< )。然後傾下偈講下笑~食飽就行落去九龍塘Met up SOB~~wooo~~~搵埋Game Wan一齊小學雞去玩~

第三站! 車上~ 話說… 一班人九唔答八咁行去九龍塘~遠距離己經見到一堆波~好快樂咁去Met 埋Game Wan~就上城巴~~ Yeah~~~~~然後呢 …就這樣一班人咁係架巴士度去到迪欣湖。係車度GameWan 講返我知上次食飯甩底事件XD喂~我都係原兇XDDDD 咁我真係唔舒服嘛。係架車度… UM …TVB果Ｄ人走黎拍野…呀…然後就…就係咁… 九唔答八又好快樂地就到左迪欣湖~呀~包車又幾開心~

第四站! 迪欣湖Part A ~ 先係…我地係迪欣湖七仔執好曬野，我地就一團人入左去唔知邊度既大草地，真係好入好遠…好遠…入到去…影下相玩下…SOB整波~我地又玩多輪see you around~ woo~~又影影影~今次加左SOB果Ｄ能人過黎做動作~ 我地笑到癲左~有時…可能大家都係影開相既，所以呢…除左一、二、三、影之外…大家見到果下都會忍唔住再影多下。或者見個動作未到位都唔落快門。玩左輪~我地就進入Part B!

第五站!  迪欣湖Part B ~集齊人… 團圈~佢地決定玩Ｄwarm up活動。所謂warm up先係打散Ｄ人~ 大風吹一個~( 成個,game最正係個個都係出黎預左玩唔多介意癲~ ) 所以大家都玩得好開心~ XD最正既係" 大風吹有帶黑超既走" 之後…我地個Group全部都好型，因為個個都帶超XDDD。 Then…玩Game喇… 先係…有六張報紙，點樣可以腳唔掂地既情況下…成team人到終點。我地果group好快就唸好左…包住隻腳XD所以好快手咁贏左XDDDD。玩左輪~大家就開始Ready玩爆波!!!!!!Yeah~~~(今日小學雞左成日)Um…唔知點既情況底下拎左個超大既波~同一個正常既波。好不安XDDD 大家叫住組隊既同時… 我開始亂咁爆人地Ｄ波XDDDD係人都爆~ 一開始就癲曬咁跑XDDDD 好好笑~ 豁左出去的陳家歡其實好恐佈。

不明不白地…就入左Final Round。XDDDD 都話豁左出去既歡歡係好得人驚，一玩喪左就停唔到。Then… 第一輪又男又女既Round都仲Ok 企得住XDDD仲好惡咁爆左人地幾個波~但去到…女子早就…我唔夠Ｄ女人惡… /_\ 佢地扯到我Bra都移位。好在是日本小姐著得好密實。但… 跌左第一次保得住個波起身爆左人地一個波之後，再俾人整低左，就俾人局爆lu~ 總算入到Fianl Round ~ XDDD都算係咁啦~ 我真係豁出去玩XDDD 見到Game Wan 玩到喘曬氣真係走埋去同佢講" 挑~踢波喎~" XDDDD

玩完一輪~收拾一下~又再同影相友收影下相~再hea下同埋影下大合照~是日累到不似人形~ 我地就係迪欣湖行返出去MTR 站 ~ 呀~超累~~~~小學雞都頂唔住lu~ 屋企最近果個係我XDDD 好快樂好快的一天~~~  返到屋企開始肚餓=__=  又累又肚餓，拿拿聲沖個涼係度呆。三叔既壽司打救左我XDDD開心死~~~ 然後執執下相就訓著左。

依家係醒返，所以先係度打blog ~敷緊Mask就訓lu。是日…玩得好快樂~是日俾蚊咬左好多啖Orz

最後，貼返兩個團體既Link出黎先:
玩See you around 的 PhotoBlog:
http://www.facebook.com/photobloghk
玩爆波的SOB:
http://www.facebook.com/pages/SOBplayer/143319315442

好似成年冇玩得咁開心同咁癲仲要咁放。最緊要係我癲癲地咁玩又有人陪我癲。=] 多謝曬兩個group 既搞手~ 最後…補多句: 團腿影群底相同埋影合體照XD