記得忘記

忙到死既一個星期…真係成個星期都冇停過…

唔知做咩上面Ｄ電腦爆發流感咁…一部跟住一部咁有問題…掃毒我都懶…拿拿聲剷乾淨佢快過掃…係麻煩在我搵唔到岩用既software…冇岩用既野係手…冇一隻岩用既external hdd…方便我做backup同埋裝返Ｄsoftware…其他都冇問題。

喱一個星期，我五日都係上面…話辛苦又唔係…但絕對唔得閒，肯定忙過係香港…一個人對五十幾台機… 冇事都仲好地地一有事就真係死得人多…丫…其實都係死我一個=_=但點都好啦，喱一個星期我都撐過左lu~~~忙有忙的好。總算係CN有返Ｄ存在感，喱樣都算係一件好事吧。

唔鐘意的，討厭的多的是…但點樣面對都係一個問題，點樣去另自己去有一個定位，點樣去得到各人既信心，點樣可以做得更加好。唔係一份好工，但肯定係一份唔洗愁既工。可以安心地去讀書既工，未必係一件壞事。織旗果邊我真係好想去搏… 好想自己無後顧之懮地去試一下。但… 依家讀書係大前題，我只係想有一份stable既工唔洗擔心俾人炒，可以讀埋個degree其實就夠。

最近都早訓左…時間依然唔多夠用，早訓左冇時間去做工課，但真係好累… 開始去到邊都可以訓著。但返工時間因為唔會坐定，所以訓唔著…cn office太大喇…有時仲要成個機箱周圍搬…你都唔以為我真係求其篤幾個制就ok。或者係因為我自己既工作原則既關係先搞到咁辛苦掛…但我總覺得咁樣係冇錯的。

今日終於可以見到嘉雲啦~樂意地聽佢講每樣開心唔開心，大家被工都唔見得輕鬆。可惜既係我做既總係冇佢遇到既咁有趣，我總係好平淡的。但就係咁，我可以細心咁去聽每一樣，分享你既每一樣野。我地有冇變到呢?係有野唔同左，但我地仍然好好。