記得忘記

新的一章，尋晚白痴的期待到訓唔著，今日勁眼訓XDDD。要乖乖地寫返日記… 每件事都應該記低，嗯…重逢為了別離?我會好掛住你。

尋日有人好蠢咁唔知我唔洗返工走左上去搵我。知道你返左黎，我有種講唔出既感覺，結果…冰高失控左… XD冰高幫我興奮左咁。結果唔知點解，就變左今朝同我返學。係太子等…

結果今朝我遲到…結果，佢再遲返我到，第一次覺得逼地鐵係一件樂事，第一次覺得更逼都好有安全感。返到杏花都九點…XD有預謀咁問左阿華拎timetable，318係Free的~除左有個女人係度不停大聲講電話，我真係成個秘書咁囉~~但我樂意喎~~邊個叫係你喎~:shy: XDD唔知幾時講過frankie犯賤~XD依家到我俾人話犯賤，做咩要行路!!!!超辛苦的說。print曬野，送佢去地鐵，我返去上堂。唔可以走堂…可以重色輕友，但唔可以走堂。XDD我唔可以成日都話佢地掛住拍拖走堂，但自己都咁做。

一入返去上ISS，就俾佢地話…阿華話我做咩今日好似好開心咁，咦~我好冷靜既樣架喎~~然後佢地開始研究我做咩遲到，冇拎袋但又話一早返左去學校，俾人供審。

出左去食KFC，之後淫淫賤賤夠就上堂，然後訓著左ISS Lab，之後上User Support，吹水不停的然後落堂，再過去搵男朋友，然後咪就係hea左輪。同佢去左上網…佢用個keyboard用到燥… 之後佢要過TST我返屋企去~勁眼訓唔好講笑。幫冰高洗白白，之後訓晏教食飯。

生活有Ｄ改變，但我真係唔打算走堂去拍拖，有Ｄ野係應該要分清楚，唔打算俾佢見到我自己Ｄfd，唔打算俾人見到我個小鳥依人樣，生活我唔想有太大既改變。

當一切既野都係手中既時候，我竟然覺得好似發緊夢，仍然未敢去相信，已經變成為事實。唔敢相信，真係可以聽到你既心跳，感覺到你既體溫。一生一世既諾言好傻，但我鐘意聽你對我講，我想我地可以一步步咁去實踐。